2018 წელს ვი თი ჯგუფმა და პარტნიორებმა დააარსეს ბათუმის ქართულ-ამერიკული სკოლა, ჯგუფის პირველი სკოლა.
ისტორია 2017 წლის აგვისტოში დაიწყო, როცა ვი თი ჯგუფმა ბათუმში ყოფილი „შაჰინის“ სკოლა-ლიცეუმის შენობა შეიძინა. აჭარის რეგიონში კერძო სკოლების სეგმენტის შესწავლის შემდეგ კომპანიამ ქალაქში თანამედროვე სკოლის დაარსება გადაწყვიტა. სკოლა 2018 წლის 1 ოქტომბერს გაიხსნა.
დღეს სკოლა მოიცავს I–XII კლასებს დაწყებით, საბაზო და საშუალო საფეხურებზე. მისი გრძელვადიანი განვითარების გეგმა საერთაშორისო გამოცდილებასა და ქართული განათლების პრინციპებს ეყრდნობა.
კამპუსი
კამპუსი და რეკრეაციული ზონები 13 000 მ² ფართობზეა განთავსებული. ინფრასტრუქტურა მოიცავს:
- თანამედროვე კომპიუტერული და საბუნებისმეტყველო ლაბორატორიები
- ბიბლიოთეკა და სამედიცინო კაბინეტი
- სასადილო
- დახურული და ღია სპორტული მოედნები
- თეატრალური და საკონფერენციო დარბაზები
წრეები და სეზონური სკოლა
სკოლაში 20-მდე საგანმანათლებლო, შემოქმედებითი და სპორტული წრე და კლუბი მუშაობს, რომლებშიც მოსწავლეები საკუთარი ინტერესების მიხედვით ერთიანდებიან. სკოლას აქვს სეზონური სკოლაც.
მეორე სკოლა
2023 წელს ჯგუფმა მეორე სკოლა გახსნა: თბილისის ქართულ-ამერიკული სკოლა.
მისამართი: ბაგრატიონის ქ. 117, ბათუმი. მიღება და კონტაქტი: gasb.edu.ge